ACMSeulamat Teuka di Website achehcybermilitary.org
Uncategorized

TGK HASAN DI TIRO BAB 2

TGK HASAN DI TIRO BAB 2

Leubèh lhèë plôh thôn ka geupeudjuang
Darah meukubang dum aneuëk bansa
Kon keu peureuté pangkat djabatan
Peuë lom hai rakan djeuët lamiët djawa’

Dép na keuh rugoë wahé intan
Dép na ka keurban dum aneuëk bansa
Dép na ka jatim bansa lôn sajang
Rata djeuët simpang dum inong djanda

Bak thôn tudjôh nam batjut lôn riwang
Trôk Teungku Hasan buët phôn geumula
Deungon bôt ubeuët laôt geuseubrang
Bah pih di hantam lé badèë raja

Bah that pih rajek laôt geulômbang
Teutap geuseubrang seulat Malaka
Hana geutakôt geuh djeuët keu karam
Asai tudjuan beutrôk ban pinta

Geukubah inong njang that geusajang
Ngon aneuëk agam si bidjéh mata
Hana hareuta geuba bak badan
Tjuma seunapan ngon timbak rusa

Wali geuteungoh bak saboh lapang
Tan djeu-ôhngon njan na miëng kuwala
Trôk ureuëng gampong Wali geugulam
Geubi makanan si ala kada

Njang dari Tiro hana trôk keunan
Dari Kumangan pih hana teuka
Dari Teurubuë hana deuh ruman
Peuë lom hai rakan dari Keumala

Muzakkir Manaf hana trôk keunan
Karia Saman pih tan deuh rupa
Toto Zaini hana deuh sinan
Peuë lom hai rakan lagèë Li Paya

Sjèëdara Wali hana trôk keunan
Njang djak eu gop njan njang ban trôk teuka
Meu léng léng mata Wali watèë njan
Dép nan keuh rakan Wali geurasa

Sumpah di wali kon majang-majang
Bukon hai rakan keu gura-gura
Demi keu Atjèh njawong geukurbeuën
Réla geutinggai bandun hareuta

Kon lagèë djinoë ta-euë peudjuang
Sumpah jôh awai hana djikira
Hana lé tingat keu sumpah peudjuang
Padok hai rakan ngon bé ôk hareuta

Djasa sjuhada han lé geukeunang
Sumpah di gopnjan geu-ingat hana
Meurupah keupangkat bak duëk djabatan
Bangsa droë geukurbeuën gop njang geubila

Bintang Buleuën han lé geukeunang
Geutanom hai rakan bak utôm meuria
Keu Alam peudeuëng han lé teubajang
Geutuka hai rakan ngon tjitém geuruda

Nasib di bansa ka meumada meunan
Gadoh harapan untuk meurdéhka
Dak na pih padum droëtreuk ureuëng peudjuang
Lalèë di gopnjan sidéh diluwa

Sang han lé pakat dalam berdjuang
Meumada ‘oh nan Atjèh mulia
Meumada MoU hadiah keupeudjuang
UUPA njan keutanda mata

Uleh : Abu Simai

Related posts
Uncategorized

Aceh Bukan Indonesia

Rumah Kami Bukan Indonesia… Banyak Netizen Bertanya Terutama Netizen Yang Berada Di Luar Aceh. Seandainya Aceh Lepas ( Merdeka ) Dari Tangan…
Uncategorized

15 Agustus Hari Kemalangan Aceh, Bukan Hari Damai Aceh

“REFLEKSI 15 TAHUN MoU HELSINKI ( 15-8-2005 – 15-8-2020 ) Semua Rakyat Acheh hari ini menjadi Hakim / juri untuk menilai dan…
Uncategorized

DJAWABAN ULEÈ BIRO PENERANGAN TNAD WILAYAH ATJÉH RAJÈUK TERHADAP YANG MENGAKU DIRI KETURUNAN RAJA ACEH DARUSSALAM

Trok seu- eue dari Fb ” Adhari S ” Contoh2 sifeut kaom durhaka keu bangsa dan nanggroe, ; Kelompok Aceh Sumatra, Publoe…

Leave a Reply

Your email address will not be published. Required fields are marked *