ACMSeulamat Teuka di Website achehcybermilitary.org
Hot News

Macam-macam Dum Model

MACAM-MACAM DUM
Oleh : Mohyansen Yansen

Ladom tari pakek subang.
Ladom garang pakek rante.
Ladom galak jimeu ayang.
Ladom trang-trang mita pake.

Ladom na peng leupah seunang.
Ladom sayang leupah kere.
Ladom galak bak meu utang.
Ladom sang-sang lagee toke.

Ladom kayem jijak ngen bang.
Ladom teuphang ateuh CB.
Ladom honda patah seutang.
Ladom hai bang payah che-che..

Ladom laloe jak kumubang.
Ladom kadang jak keumawe.
Ladom laloe bak peh canang.
Ladom seunang jak bloe lotre.

Ladom hawa kuweh bingkang.
Ladom leumang geuboeh seule.
Ladom sagon sak lam balang.
Ladom kacang boeh lam cipe.

Ladom jumoet pula lawang.
Ladom u mbang pula seure.
Ladom laloe lam keupalang.
Kateubayang keu cut keke.

Ladom geujak meukat pisang.
Ladom kutang meukat lam gle.
Ladom lampoh payah lelang.
Ladom galang ebit gade.

Ladom ulee payah tumpang.
Ladom talang geujak cungke.
Ladom mabok teunggak prutang
Ladom mumang, keugop deuge.

Ladom kulet lagee adang.
Ladom tampang lagak konle.
Ladom carong lagee jeupang.
Ladom timpang lagee kaphe.

Ladom gagah watee muprang.
Ladom peutrang kana sihe.
Ladom maot keunong parang.
Ladom jicang sinan mate.

Ladom na Oek jigeureubang.
Ladom keepang nak meu uke.
Ladom galak Oek beupanyang.
Ladom reupang mangat sare.

Ladom lalee meu’en cabang.
Ladom na yang meu’en yeye.
Ladom laloe duek bak rangkang.
Ladom let eunggang dalam awe.

Ladom hawa ungkot panggang.
Ladom reundang ungkot bace.
Ladom banna kapai treubang.
Meu u sawang han geuwoe le.

Ladom jumoet pula bawang.
Ladom ladang pula pade.
Ladom tan buet jak limeuh glang.
Tulak pinggang ngon peureute.

Ladom cinta keu cut abang.
Ladom sayang keu srikande.
Ladom sinoe mantong lajang.
Mungken irang ngon seulangke.

Ladom malee bak keumarang.
Ladom jampang tuleh ca’e.
Ladom geujak meukat eumpang.
Ladom reupang luweue meuhe.

Ladom gaki goyang-goyang.
Ladom lambang mat goe bude.
Ladom peci leupah timang.
Bak seumbahyang kamustahe.

Ladom gadoh peugot musang.
Watee malam geumeurabe.
Meuban uroe lagee tohang.
Yub bak seuntang kameugule.

Ladom gadoh ra’oet pancang.
Watee jibang sipat pante.
Ladom gadoh peubloe tampang.
Nak geu tunang le pak tahe.

Ladom pakek ija pinggang.
Ladom cut bang pakek yeye.
Ladom bajee na cap mustang.
Ladom alang pakek sipre.

Ladom sifheut lagee bubrang.
Ladom curang jipeulahe.
Ladom lheuh bi lakee pulang.
Meunan dagang leupah bakhe.

Ladom kana titel tukang.
Troh u sabang gantoe SE.
Dudoe sideh tanpue rancang.
Payah numpang motoe BE.

Ladom denden pula pisang.
Ladom bambang pula pade.
Beudoh cumbok geujak muprang.
Ulee balang kabeh mate.

Related posts
BeritaHot News

MATI SYAHID UMMAT ISLAM ACEH, DALAM PERANG MENGUSIR INDONESIA'

KENAPA ACEH WAJIB MENJAGA KEMERDEKAAN’ Amalan wajib dengan Ilmu Sebab Ilmu adalah Ruhnya amalan. Allah perintahkan melalui Rasullah bagi ummat Islam untuk…
Hot News

Djawaban Staf Biro TNAD Tentang Siapa Musuh Pejuang?

1.na yang sereng that kheun meunoe di Facebook” hai pakon hana neu musyawarah bek saleng meudawa, sesama keudro dro dan bangsa ?…
Hot NewsLuar Negeri

INTERNATIONAL HUMAN RIGHTS DAY

INTERNATIONAL HUMAN RIGHTS DAY Regarding on December 10, the world commemorated International Human Rights Day in relation to the Universal Declaration of…

Leave a Reply

Your email address will not be published. Required fields are marked *