ACMSeulamat Teuka di Website achehcybermilitary.org
Uncategorized

KISAH PEMILU

KISAH PEMILU

Assalamualaikom hai tungku tunggku
Barat ngoen timu saleum sejahtra
Bacut loen kisah keuhai pemilu
Ingat hai tungku bek lagei yang ka

Ka lheuh di peugeut yang masa lalu
Meu macam laku djanji dum jiba
Di pugah aceh keuneuk peumaju
Ban hi singapo banda ngoen desa

Di bi tunjangan rakyat bu makmu
Tiep saboh dapu peng syit sijuta
Di ba u haji tan payah bayeu
Ngoen kapai layeu koen ngoen udara

Yang jak si kula tan bayeu sapeu
Bajei ngoen luweu sagai ta puna
Sampe kuliah pre buku buku
Tan payah sapeu tanyou sedia

Yang saket dalam dan mata sapu
Han payah tungku tajak ulua
Dokter lua yang hayeu hayeu
Nyan bandum di hue u aceh di ba

Keu operasi han payah bayeu
Syit ka pre dumpeu tek tok di kira
Lagei nyan janji watei pemilu
Tapi oh ta eu sapeu tan nyata

Ureung ka seungap ka lheuh pemilu
Tan na le ta eu yang troen u desa
Bah pih janji ka lheuh di tabu
Hana le e tungku deuh bulei mata

Di tanyou rakyat payah jak mu ue
Mangat na breh bu keu keluarga
Awak nyan mangat di duek tan karu
Na moto baro yang itam kaca

Rumoh ka rayeok saboh lampoh u
Tamah di pageu ngoen busou waja
Pinto rheot mantoeng cukop that hayeu
Bak bineh pageu na ureung jaga

Di tanyou rakyat tan keunoeng sapeu
Bajei tan takue syit saboh yang na
Dep nan ta sokong abeh deungoen su
Ladom na karu ngoen keluarga

Dak neu mita buet sogok lei di keu
Meunye keu guru syit peut ploh juta
Nyeu keu polisi yang pangkat hanyeu
Payah na di keu sirutoh juta

Bek jeut geutanyou kelede sapu
Sabe meu suruek bak uruek sama
Kasep yang kalheuh ikot pemilu
Wahei e tungku yang mubahgia

Peu na meu untong ikot pemilu
Hai tungku tungku peu na neukira
Leubeh goet mantoeng baikot pemilu
Mangat goet tunu dum antek jawa

Cuma nyou mantoeng haba sigitu
Pulang bak tungku kiban neu kira
Loen lakei muah wahe hai tungku
Kadang na tuto yang agak gasa

Uleh : Abu Simai

Related posts
Uncategorized

Aceh Bukan Indonesia

Rumah Kami Bukan Indonesia… Banyak Netizen Bertanya Terutama Netizen Yang Berada Di Luar Aceh. Seandainya Aceh Lepas ( Merdeka ) Dari Tangan…
Uncategorized

15 Agustus Hari Kemalangan Aceh, Bukan Hari Damai Aceh

“REFLEKSI 15 TAHUN MoU HELSINKI ( 15-8-2005 – 15-8-2020 ) Semua Rakyat Acheh hari ini menjadi Hakim / juri untuk menilai dan…
Uncategorized

DJAWABAN ULEÈ BIRO PENERANGAN TNAD WILAYAH ATJÉH RAJÈUK TERHADAP YANG MENGAKU DIRI KETURUNAN RAJA ACEH DARUSSALAM

Trok seu- eue dari Fb ” Adhari S ” Contoh2 sifeut kaom durhaka keu bangsa dan nanggroe, ; Kelompok Aceh Sumatra, Publoe…

Leave a Reply

Your email address will not be published. Required fields are marked *