ACMSeulamat Teuka di Website achehcybermilitary.org
Uncategorized

IE KAYAT PRANG SABI

IE KAYAT PRANG SABI

Surôh Tuhan ubak Nabi
Geujuë Prang Sabi dum geutanjoë
Kalam Tuhan tjit that sutji
Ubak Nabi neupeusampoë

Geujuë peutrôh dum bak Ummat
Njang na tha’at malam uroë
Soë njang patéh raja bagi
Soë njang ungki le that rugoë

Kareuna prang surôh Allah
Kon peurintah beurangkasoë
Soë njang hantém keubiët teulaih
Sajang leupah Uroë Dudoë

Njang got djinoë hai meutuah
Beudoh langkah aduën-adoë
Hadis Nabi Firman Allah
Hai meutuah beuta pakoë

Bèk le tutô le peuë peugah
Mita ilah meudéh-meunoë
Djak hai Teungku djinoë sikarang
Bèk lé bimbang gata laloë

Bèk lé taduëk sadjan kaphé
Hai boh haté le that rugoë
Beu ta minah djinoë sikarang
Hai buleuën trang bèk lé laloë

Bèk lé meurakan deungon kaphé
Minah boh haté aduën-adoë
Meu han taminah wahé sampèë
Djeuët keu rudjèë apui dudoë

Geuboh dalam Nuraka Hawijah
Sinan geukeubah geunap uroë
Gata dimijuëb kaphé di ateuëh
Hana geuweuëh dum sinaroë

Meunjoë meunan wahé Teungku
Teubiët ladju bèk lé laloë
Tadjak taubat wahé Teungku
Bèk lé napsu sjaithan pindoë

Ta peudjôk droë bak Tuhan-Ku
Rabbôn Ghafô Po geutanjoë
That bit indah Prang Kaphé njoë
Soë meutuah tjit djipakoë.

Uleh : Abu Simai

Related posts
Uncategorized

Aceh Bukan Indonesia

Rumah Kami Bukan Indonesia… Banyak Netizen Bertanya Terutama Netizen Yang Berada Di Luar Aceh. Seandainya Aceh Lepas ( Merdeka ) Dari Tangan…
Uncategorized

15 Agustus Hari Kemalangan Aceh, Bukan Hari Damai Aceh

“REFLEKSI 15 TAHUN MoU HELSINKI ( 15-8-2005 – 15-8-2020 ) Semua Rakyat Acheh hari ini menjadi Hakim / juri untuk menilai dan…
Uncategorized

DJAWABAN ULEÈ BIRO PENERANGAN TNAD WILAYAH ATJÉH RAJÈUK TERHADAP YANG MENGAKU DIRI KETURUNAN RAJA ACEH DARUSSALAM

Trok seu- eue dari Fb ” Adhari S ” Contoh2 sifeut kaom durhaka keu bangsa dan nanggroe, ; Kelompok Aceh Sumatra, Publoe…

Leave a Reply

Your email address will not be published. Required fields are marked *