ACMSeulamat Teuka di Website achehcybermilitary.org
Dalam NegeriDokumenHot NewsOpiniPers Rilis

Haba peu Ingat keu Bandum Bansa Atjeh

Assalamu’alaikum Warahmatullahi Wabarakatuh

Saleum Seujahtra
Keu Bandum Syedara Bansa ATJÈH Ban Sigom Donya

Alhamdulillahirabbil ‘Alamien, Asshalaatu Wassalaamu ‘Alaa Khaataman Nabiyien Rahmatan Lil ‘Alamien wahuwa nabiyyuna Muhammad ibni Abdullah ‘alaa Ijtihadihi fie Istiqlaali Dienillah, Wa ‘alaa Aalihi wa Ash Habihi Ajmaien.

Qaalallahu Ta’aalaa fie Qur-aanihilkariem:
الرجيم الشيطان من بالله أعوذ
: الرحيم الرحمن اللهبسم
تعلمون وأنتم الحق وتكتموا بالباطل الحق تلبسوا ولا
Tafseran dari ayat njoë adalah
Bek Sagai neujampu lawộk antara peukara/buët yang beutoi (hak) deungon peukara/buët yang salah (bathil) dan bek tasom som peukara yang beutoi nyan, padahai dro neuh neuteupeeu (Al baqarah 42)
Dan di dalam Ayat Lain Allah S.W.T Geu Firman:
وقا زه كان الباطل نإ لباطل ا وزهق لحق ا جاء وقل
Yang tafsiran ayat beuno leubeh kureng adalah jika Peukara yg Beutoi (haq) njoë ka troh, maka peukara yang salah (bathil) njoë akan gadoh leunyap. Dan seubenar jih peukara yang salah (batil) nyan pasti akan gadoh leunyap (Al israa’ 81)

Dari dua boh ayat di ateuhnyan merupakan saboh bentuk ‘iktibar yang paling rayoek dan sep teupat seubago saboh gambaran keadaan Bansa ATJÈH dalam seujarah Perjuangan Geutanjoë nibak uronjoë.

Syedara loen ban si gom donya yang geu rahmat le Allah S.W.T
Beuna neutetupue bahwa dari awai seujarah geutanjoë Keurajeun ATJÈH masa Iskandar Muda, kemudian dalam dalam SURAT PEUNJATA ATJÈH MEURDÈHKA tanggai 4 Désèmbèr Thôn 1976 yang geu tuleh uleh wali Nanggroë Allahuyarham Tgk Hasan Muhammad Di Tiro geu peunyata djang bahwa sa jih Bansa Djawa nyan na keuh saboh bansa asếng keu tanjoë. Geutanjoë hana hubôngan seujdjarah, hana hubôngan politẻk, hana hubôngan budaya, hana hubôngan ẻkonomi seureuta hana hubôngan bumoẻ deungon awak njan.
Bahkan pernyataan njoë merupakan saboh peusan teurakhe Allahuyarham Tgk hasan nibak masa-masa akhee hudep Goknyan di Atjeh watee di Interviev uleh TV Metro dan na djisaksikan uleh Malek Mahmud. (buka Youtube-message for Indonesia ”we have a different strory”)
Teuman pertanjaan djih djinoë pakon ATJÈH uroë njoe kadjeuët keu lagèë njoe rupa? Sabab, meunjo hana tatupat salah, kateuntèë handjeuët tapeubutôi. Kamoë ka lethat go mupeu-ingat: “Bahwa masaalah ATJÈH uroë njoe tjukôp komplek”. Kameu tj’uet-tj’uet mansaboh njan. Hana mungkén keumah ploh meunjo hana tatupat puntjadjih! Padahai, puntjadjih njankeuh pendjadjahan R.I njang na di ATJÈH uroë njoe ka meuhasee jipeuguna padum-padum dro mantan pimpinan GAM yang djisuleuëng deungon pèng dollar Amirika untuk djie peureuloh perjuangan geutanjoë meulalui cara puta filem sinètrön MAȎP Helsinki di ATJÈH.

Syedara loen ban si gom Donya yang geurahmati le Allah S.W.T.
Pakon loen kheun perjanjian MOU Helsinkinyoe seubagoe saboh sinètrön – MAȎP Helsinki ?.
Silapeh dari tandjoe kalon pakon teuman sampo uronjoë poin-poin MOU nyan hana ter implimentasikan di ATJÈH..? nyan kon karna persoalan pendjadjah R.I ka djikhianat Atjeh ateuh peurjanjiannyan, akan teutapi adalah karna nyan mandum ka jisepakati bandua jih antara R.I dan GAM LHOH/pengkhianat dari awai watee masa perundingan untuk saban saban hana djipeudjak kareuna nyan saboh sinetron MAÖP Helsinki. Untuk peu bangai ureung Atjeh.
Untuk neupeu shaheh deungon statement/pernyataan pu yang ka loen peusampo beuno di ateuh, djinoe ureung lam nanggroë djeut neu tanyoeng pakiban ka peukara bendera ?. pu kdjeut ke eh .. ka beku?. Chiet han mungken bendera Perdjuangan Geutanjoe ijak peugot keu bendera Provinsi Atjeh. Nyan bendera djianggap seubagoe bandera Saparatis (pemberontak). Djadi le peuretee GAM LHOH (pengkhianat) chiet djipubuët but djang han mungken djeut pubut di djup NKRI .. teuman pakon chiet djipubut? Nyan mandum supaya deuh seu ulah-ulah nibak mata masyarakat Atjeh bahwa sa jih GAM LHOH njoe beutoi-beutoi djiseumikee dan dji peujalan but djineuk peumerdéhka Atjeh..padahai tjuman SURAK SURAK bak mas Media sagai.. HAsee Tan Sapu pih. Njan keuh njan geukheun propaganda njang seulama njoë djipeudeungo bak geutanjoë.
Meunan chiet peukara bagi hasil 70:30, Pakiban ka ?. meunyoe ji peugah ka ji bri le NKRI njan, pakon teuman ekonomi ureung Atjeh di dalam Naggroe mantong morat marit ? aneuk-aneuk Atjeh ka jimeukat sabee tiep-tiep sago untuk djimeuhudep. Keumudian neu tanyoeng peukara kompensasi keu teuntra GAM ho ka ?. Meudjoe biet-biet na. pakon teuman jinoe han djipeutheun lé teuman Peureutee Asee (P.A) nyan watee Pemilu 2016 ban ban ndjoe. Leubeh leubeh lom peukara KKR yang han mungken sagai dji peujak dan bahkan meunan lheuh dji lantik Irwandi uleh peundjadjah R.I langsoeng djigantoe keutua KKR di Provinsi dan djipakat gaboeng lam peureutee baroe P.N.A. – sampoe ‘oeh djinoe tan meulantik keutua KKR baroe dan teu iem lam seupoet.
Ka deuh takalon keudroë teuh bahwa propaganda njang seulama njoë djipeudeungo bak geutanjoë bahwa “MoU njan tangui sibagoë aneuk rinjeun untôk tjok meurdéhka” teunjata kon mandum. Bahkan ureuëng-ureuëng njang seulama njoë peugah droë pimpinan Atjèh Meurdéhka, ban-ban njoë ka geupeunjata deungon trang-trang bahwa “peurdjuangan Atjèh kon untôk meurdéhka”. Meunan keuh narit njan djiteubiët dari babah ureuëng-ureuëng njang djinoë ka geumat kuasa di Atjèh. Peukara-peukara lagèë njoë han-djeuët-han beutrang that keu geutanjoë supaja bèk sabé keunong tipèë – han sép djitipèë lé musôh ka meuplôh-plôh thôn, keunong pengeut/ tipèë lom buët bansa droë-teuh njang ka keumah djipeulamiët lé gob.
Geutanjoë han djeuët hireuën-teuh watèë na peunjata-peunjata lagèë njan dari mantan pimpinan GAM, sabab watèë awaknjan ka djiteurimong droë sibagoë sarông djaroë RI di Atjèh dan djimeusumpah seutia keu pantjasila dan undang-undang 45, maka tugaih awaknjan hana laén nibak peutimang keupeunténgan tuan droë djih di bumoë Atjèh. Njan keuh sabab, pakon awaknjan djinoë batjut-batjut ka pajah djak lé u Djakarta djak lakèë peunutôh dan beunantu, gotpih peukara ekonomi atawa peukara politék. Trôk bak peudong padum-padum boh pabrék padé pih pajah buët Hasjim Joyohadikusumo — adoë Brigdjèn Prabowo Subianto. Njan gohlom tameutjeukot keu keubôn-keubôn keulapa sawét ban saboh Atjèh njang bandum na dalam djaroë dan kontrol biëk peundjadjah, seudangkan ureuëng Atjèh keudroë (khusus djih eks-kombatan) djingui sibagoë mandô keubôn — tôkang djaga keupeunténgan peundjadjah.

Ulëh kareuna nyan, nibak MILAD keu 41 njoë ta peusampoe keu lai keupada bandum bansa ATJÈH bahawa tsa djih pu njang ka djipeusampoe le peureute GAM LHOH ie dalam Nanggroë geutanjoe nyan adalah SULET babandum.
Maka uleh karena njan, taharap keupada bandum masyarakt atjeh ban sigom donya untuk neubuka pikeran dan neu kajie ulang seujarah perjuangan geutanjoë ATJÈH Merdèhka yang ka meutj’uet-tj’uet akibat jiputa film sinetron MAÖP Helsinki nyan tiep tiep uro di tanoh endatu geutanjoë.
Beuna neuteupu, bahwa tsajih film sinetron MAÖP Helsinki nyoe ka jipeureuloh babandum nilai perdjuangan Geutanjoe. Deungon bahasa ureung djak sikula (akademik), akibat deungon na Sinetron MAÖP Helsinki nyan. Yang Phoen, Bansa ATJÈH ka gadoh naggroe sinambong (Successor State) yang meuseubõt dalam Surat Peunyata ATJÈH Merdèhka yang neupeunyata uléh Wali Negara Teungku Hasan Muhammad di Tiro di gunong Tjôkkan bak uroë 4 Desember 1976
Yang Keudua, akibat dari Sinotron MAÖP Helsinki nyan, Ubẽna keudjeuhatan dan keubiadaban serdadu Indonesia ateuëh rakjat ATJÈH seulama u likoet termasôk meuplôh-plôh ribèë kurubeuën masa DOM handjeuët soẽ ungkét- ungkét lé dan bandum ka djimensoh deungon meusadja that ulèh peurundéng-peurundéng MAÖP Helsinki. Seudangkan bansa dan rakyat ATJÈH njang ka meugulé dan mate sjahid bak peutheun naggroe dan bendera pusaka èndatu geutanjoë lagèë Almarhum Ishak Daud di Peureulak, Ismail Syahputra, Tgk. H. Ahmad Dewi di IDI Cut, Jakfar Siddiq di Blang Pulo dan laen-laen syedara geutanjoë ka ji anggap lagèẽ ôn geurusông, hana makna sapu pih keu awaknyan .
Yang keu 3. akibat dari Sinotron MAÖP Helsinki nyan, Ubẽna Bangsa Aceh yang meusumpah akan geubri djaw’ộng dan hareuta geuh untồk keumeurdehka ka meudasya bandum.
Mumakna bansa ATJÈH njang teurimoeng MAÖP Helsinki nyan deungon trang-trang ka GEUKHIANAT keu SUMPAH dan proklamasi ATJÈH MERDÈHKA 1976 seubagoe teumpat meudong dan sibagoe tempat rudju’ek perdjuangan sutji keuMERDÈHKAan ATJÈH.
Yang keu 4. akibat dari Sinotron MAÖP Helsinki nyan, Ubẽna Hak bansa Aceh untuk referendum atawa meurdehka ka djipeugadoh.
Djadi, bansa ATJÈH yang mantong meuseutia keu perdjuangan sutji éndatu ka leu bèh trang lom keu geutanjoë mandum bahwa perjanjian atawa MAÖP Helsinki njan nakeuh “ SABOH BUËT TEUMIPÈË NJANG PALÉNG TRANG DAN PALÉNG DJEUHEUT BAK ABAD NJOË “ Njang ka djipeugot ateuëh saboh Geurakan Keumerdekaan ATJÈH uléh penjajah – Indonesia.
Bansa ATJÈH yang Geurahmat le Allah S,W.T
Lam peuringatan MILAD keu 41 Thoen nyoe loen neuk tanyoeng keupada Bansa Atjeh Peuëkeuh urëung-urëung njang peugah droë geuseutot Perdjuangan ATJÈH MERDÈHKA ka geupeutuwo droë keu haba Wali Nanggroë ?? atawa ureuëng-ureuëng njan ka BUTA deungon PENG dan pangkat DJAWA bri.. pakiban teuman ék teudjadi ?? dan pakriban na biëk ATJÈH atawa siteungoh ATJÈH djitém KHIANAT kureubeun konflik dan darah sjuhada deungon si-at jabatan njan.
BEUNA neutupu bahawa gohlom na peurnah teujadjadi dalam seudjarah keumeurdehkaan modern njoë ureuëng djitém pumeunan-meunan mantong sidumnan rajek pelanggaran HAM keutjuali di ATJÈH.
Bangsa ATJÈH yang dumnan Kha dalam seudjarah bak geupeutheun naggroë dan agama geuh, keuneulheuëuh keumah djitipèë deungon tjara njang paléng hina nakeuh deungon tjara djipeu dijeuëng dan djisuleuëng pèng Dolar Amirika. Djimeujanji djibri self government, nan laèn nibak otonomi. Dan djipeutaba peng, PANGKAT njang rayoëk- rayoëk lagèë Gubernur, bupati dan anggeta dewan bah that pih njang atô dan peuteuntèë dumpeuë peukara teutap di Djakareuta.
Wali Nanggroë Geutanjoë Allahuyarham Tgk. Muhammad Hasan di Tiro kalheuëh geukheun njang bahwa tjamat, bupati dan gubernur njan nakeuh nan laèn nibak narit: tjôkan, suntjo atawa guntjo. Dan ureung-ureung yang teurimong nibak pangkat nyan bandum hana laén nibak bansa ATJÈH njang seubeuna jih kadjeuët keu PENGKHIANAT atawa LHOH”
Bansa ATJÈH yang Geurahmat le Allah S,W.T
Nibak Milad ATJÈH MERDÈHKA njang keu 41 njoë, u loen himbau dan peusampoe keu mandum syedara bansa ATJÈH ban sigom donya untuk tapeugisa keulai marwah bansa dan rakjat Aceh yang ka meu plõh-plõh thõn djigilho-gilho uléh RI dan djitamah tjatjah lom uléh MA’ÔP Helsinki njang djibantu uléh padum-padum drô biëk ATJÈH PENGKHIANAT yang ka keumah djingung lé musôh.
Alhamdulillah untuk sa’ah njoë, perkembangan buët ureung tanjoë di lua naggroe ka meuhasee keu daftar keu lai ASNLF nibak UNPO di yup payoeng PBB lheuh djipëubekuë le peureutee si Malek Cs Laknatullah watee djiteken peugot sinetron MA’ÔP Helsinki deungon R.I.
Maka uleuh karena njan, Geutanjoë musti saban-saban tatjok tanggông djaweuëb ateuh 2 boh peusan teurakhee Allahuyarham Tgk hasan nibak masa-masa akhee hudep Goknyan di Atjeh watee di Interviev uleh TV Metro dan na djisaksikan uleh Malek Mahmud.
Peusan Allahuyarham Tgk hasan Di Tiro keupada bansa Atjeh bahwa mantong le that peukara yang mantong peureule pubut keu arah peumeurdehka Atjeh. Yang keudua, djang bahwa sa jih Bansa Djawa (R.I) nyan na keuh saboh bansa asếng keu tanjoë. Geutanjoë hana hubôngan seujdjarah, hana hubôngan politẻk, hana hubôngan budaya, hana hubôngan ẻkonomi seureuta hana hubôngan bumoẻ deungon awak njan.
Maka tjit saboh teuk tjara njang mantong teuhah keu geutanjoë urõ njoë Nakeuh tagisa keulai bak asai. Gisa bak proklamasi 1976. Mumat bak sumpah ATJÈH MERDÈHKA dan peugléh kumeun-kumeun Ma’ộp Helsinki.
“ … NJAWÔNG BAK BADAN MUNGKEN DJEUT DJIPEUGADOH TAPI IDEOLOGI DAN PEMIKIRAN GEUTANJOË HAN AKAN DJEUT DJIPEUGADOH SAMPOE ATJÈH MERDÈHKA… “

Wabillahi Taufiq wa Al Hidayah..
Assalamu’alaikum Warahmatullahi Wabaraktuh

Neususoen Uléh: Tgk. Seupôt Mata staf Peunerangan Wilajah samudera pasai
Referensi:
http://www.youtube.com/watch?v=UcvvnT…
http://www.asnlf.org/index.php/asnlf-…
Tengku Hasan di Tiro: Keupeunténgan nasional atjèh hana lé lam pikéran ureuëng geutanjoë
http://www.youtube.com/watch?v=rgDKzi…
Tengku Hasan di Tiro: Peuë makna Indonesiai njan ?
http://www.youtube.com/watch?v=tQx4Cv…
Tengku Hasan di Tiro: Pakriban tapeu-ék seumangat njang karhet ?
http://www.youtube.com/watch?v=TSOMK9…
Tengku Hasan di Tiro: Kru-Seumangat Bansa Atjèh !
http://www.youtube.com/watch?v=U8awek…
Tengku Hasan di Tiro: “Ureuëng njang paléng bahaja keu geutajoe nakeuh – djawa keumah djipeugot urg atjèh seutotdjih nibak seutot geutanjoe. Mantong na urg atjèh njang tém djeuët keu kulidjih, keu sidadudjih, keu gubernurdjih, keu bupatidjih, keu tjamatdjih, dll. Mantong na biëk droëteuh njang djak djôk dan peusah nanggroë atjèh keu djawa!”
http://www.youtube.com/watch?v=Gbjb04…
Kepulangan Tengku Hasan di Tiro ke Aceh
http://www.youtube.com/watch?v=-OJUf8…
Tgk Hasan di Tiro: Gata ka djiparôh lé djawa lagèë djiparôh iték!
http://www.youtube.com/watch?v=vKVA4Z…
Tengku Hasan di Tiro: Ureuëng Atjèh kahabéh gadoh karakter dum
http://www.youtube.com/watch?v=H8mbiU…

Related posts
BeritaHot News

MATI SYAHID UMMAT ISLAM ACEH, DALAM PERANG MENGUSIR INDONESIA'

KENAPA ACEH WAJIB MENJAGA KEMERDEKAAN’ Amalan wajib dengan Ilmu Sebab Ilmu adalah Ruhnya amalan. Allah perintahkan melalui Rasullah bagi ummat Islam untuk…
Hot News

Djawaban Staf Biro TNAD Tentang Siapa Musuh Pejuang?

1.na yang sereng that kheun meunoe di Facebook” hai pakon hana neu musyawarah bek saleng meudawa, sesama keudro dro dan bangsa ?…
Dalam NegeriSejarah Aceh

Untuk Wali Negara Dari Wali Tengku Hasan Bukan Untuk Wali Nanggroe Ala Jawa Dalam UUD1945 - Pancasila

◼Dekrit “Keramat” Wali Negara Aceh Tengku Hasan di Tiro || ▪Banyak pihak bertanya-tanya, siapa sebenarnya yang akan menggantikan tugas Wali Negara Aceh…

Leave a Reply

Your email address will not be published. Required fields are marked *