ACMSeulamat Teuka di Website achehcybermilitary.org
Uncategorized

ANEUK SYUHADA

Alhamdulillah, Allah loen pujoe
Sit Tuhan sidroe, Yang that kuasa
Yang peutroen rahmat, nikmat u bumoe
Akan geutanyoe, Dum manusia

Qadha ngoen kada, bak Tuhan Sidroe
Tugas geutanyoe, Geuyue usaha
Tugas Iktiyeu, nibak geutanyoe
Putusan bak Po, geubri ngoen Hana

Seulawuet saleum, teuma lom dudoe
Hana sit tuwoe , Rasul Mustafa
Pang umat, ban sigoem nanggroe
Nabi geutanyoe, Khatam Ambiya

Keuluarga ngoen sahbat, Bandum Sinaroe
Beureukat sinoe, Bandum Ulama
Beureukat Syuhada, Pembela nanggroe
Yang leupah woe, u Alam baqa

Samboet saleum lon, Kawoem sinaroe
Agam ngoen binoe, Tuha ngoen Muda
Hajat ulon bri, kupi ngoen tumpoe
Hajat lon meuproe, seujarah bangsa

Yang peugoet tape, juet beurangkasoe
Yang peugoet ragoe, susah tamita
Meunyoe duek wali, juet sigam panjoe
Yang peugoet nanggroe, han pat tamita

Astaufirullah, lidah meucawoe
Karoeh lon meuproe, hoe laen haba
Daud Beureueh, ngoen Hasan Tiro
Kisah tapuwoe, bak asai mula

Yoeh jendral Yasin, Beureueh geuyue woe
Meumacam bagoe, janji seutia
Tanpa ajudan, sit yasin sidroe
Geujemput keudroe, keudeh lam rimba

Nibak masanyan, Ujuen lam nanggroe
Kilat pih sesoe, geulatue Raya
Dalam supoet klam, yasin jak sidroe
Hana geupakoe, Rimueng ngoen Singa

Sinan keuh teubit, Narit Sikatoe
Sampoe an jinoe, Kajuet keu Maja

 

Penulis: Zakir Muzakir

Related posts
Uncategorized

Aceh Bukan Indonesia

Rumah Kami Bukan Indonesia… Banyak Netizen Bertanya Terutama Netizen Yang Berada Di Luar Aceh. Seandainya Aceh Lepas ( Merdeka ) Dari Tangan…
Uncategorized

15 Agustus Hari Kemalangan Aceh, Bukan Hari Damai Aceh

“REFLEKSI 15 TAHUN MoU HELSINKI ( 15-8-2005 – 15-8-2020 ) Semua Rakyat Acheh hari ini menjadi Hakim / juri untuk menilai dan…
Uncategorized

DJAWABAN ULEÈ BIRO PENERANGAN TNAD WILAYAH ATJÉH RAJÈUK TERHADAP YANG MENGAKU DIRI KETURUNAN RAJA ACEH DARUSSALAM

Trok seu- eue dari Fb ” Adhari S ” Contoh2 sifeut kaom durhaka keu bangsa dan nanggroe, ; Kelompok Aceh Sumatra, Publoe…

Leave a Reply

Your email address will not be published. Required fields are marked *