ACMSeulamat Teuka di Website achehcybermilitary.org
Uncategorized

BACUT NASEHAT

BACUT NASEHAT

Umat akhe jameun laen jikira
Keu so ai dousa hana geupike
Yg penteng hudep meu leu2 harta
Di dalam donya mulia sabe

Haleu ngon hareum kaji peusama
Keu su ai desya te urou page
Ummad muhammad tan siksa donya
Oh mate teuma baro geu ade

Sideh geu seu ue mandum peukara
Masa lam donya han geu peulahe
Nabi geulakei nibak yg esa
Bek malei hamba oh watei mate

Phon dalam kubu hinan pareksa
Mandum peukara sigra tanyong le
Yoh mantong udep di dalam donya
Pue tra tamita keupang kai akhe

Jawong allah bi ho ta peuguna
Ube na harta pattoh ta cungke
amanah allah puena ta jaga
toeh amai gata jaweub jinou le

Mungkar dan nangkir yg di keu gata
tukang pareksa ureng yg mate
Meunyeo na amai masa lam donya
nyan amai gata sigra jaweub le

Masa yoh hudep lalou ngon donya
Suroh rabbana tan na ta pike
Sunah ngon wajeb han tom ta jaga
Gata meu hamba bak hukom kafe

Haleu ngon hareum ka ta peu sama
Tatem peu sama islam ngon kafe
Gadouh pegah drou ummat mulia
Sabe soudara gadoh mupake

Gadoh ta bangga islam di gata
Mu tuleh nyata nibak K.T.P
Peurintah allah hana taniet na
Yan saboh tanda islam K.T.P

Oh urou dudou di padang masya
Tamong syuruga teuntei peulahe
Ureung geu culok dalam nuraka
Adak tahei ma hana guna le

Dak pih na inong aneuk ngon harta
Rakan syedara hubungan tanle
Moto yg mewah pangkat yang raya
Tinggai lamdonya wali cok hase

Wahe kawom.lon bandum syedara
Beudoh le sigra jinou tapike
Kajeut tapioh jeb ie lam kaca
Seubab nyou donya karap geu gule

Cukop jai bukti ka leumah nyata
Meu macam bala allah peulahe
Meunyo han sadar kadup nou bala
Neupreh soudara nyou hana trep le

Oh nou keuh dilei ca e lon rika
Peu ingat bangsa yg lalou sabe
Nuepateh ngon han drou neuh yg rasa
Watei trouh bala meunyesai koen le

Uleh : Abu Simai

Related posts
Uncategorized

AMANAT PANGLIMA TNAD DI HARI KEBANGSAAN NEGARA ATJÉH DARUSSALAM KE 44

Amamat Panglima Angkatan Prang Teuntra Negara Atjéh Darussalam dalam Ulang Tahun yang ke-44 AM 4/12/1976-4/12/ 2020 Apakah Perjuangan Negara Aceh dikatagorikan ilegal…
Uncategorized

Hari Ulang Tahun Kebangsaan Negera Atjéh Darussalam ke 44

Bismillaahirrahmaanirrahiim. Assalamu’alaikum Warahmatullahi Wabarakaatuh Syukur Alhamdulilah yang masih mentakdirkan Hidup kita dalam Iman dan Islam, serta sehat badan dan pikiran. Selawat serta…
Uncategorized

4 Desember Ulang Tahun GAM Atau Ulang Tahun AM ?

Bila hari ini adalah Ultah GAM (Gerakan Aceh Merdeka) yang ke 44 maka hari ini pula kami memperingati hari pembantaian keluarga kami…

Leave a Reply

Your email address will not be published. Required fields are marked *